ԵՐԵՎԱՆ, ՍԵՊՏԵՄԲԵՐԻ 30, 24News
ՌԴ վարչապետ Միխայիլ Միշուստինը հոկտեմբերի 1-ին աշխատանքային այցով կգտնվի Հայաստանում, հայտնում է ՌԴ նախարարների կաբինետի մամուլի ծառայությունը։
ՌԴ վարչապետը կմասնակցի Եվրասիական միջկառավարական խորհրդի 40-րդ նիստին և Եվրասիական տնտեսական ֆորումի լիագումար նիստին։
Նշվում է, որ Հայաստանի, Բելառուսի, Ղազախստանի և Ղրղզստանի գործընկերների հետ Միշուստինը կքննարկի «Եվրասիական տնտեսական միության շրջանակներում ինտեգրման խորացման հրատապ խնդիրները»՝ հատուկ ուշադրություն դարձնելով «ներքին շուկայի գործունեության հարցերին, փոխգործակցության զարգացումը արդյունաբերական, տրանսպորտային, մաքսային և սակագնային, գյուղատնտեսության և էներգետիկայի ոլորտներում»։
Միջկառավարական խորհրդի նիստին կմիանան ԵԱՏՄ դիտորդ երկրների՝ Կուբայի և Ուզբեկստանի ներկայացուցիչները, ինչպես նաև հրավիրված հյուրերը։
--00—ՅՄ