ԵՐԵՎԱՆ, ՍԵՊՏԵՄԲԵՐԻ 17, 24News
Սա երկու մեծ մաֆիոզ կլանների հետ կապ ունի, մեկը լևոնական կլանն է, մյուսը՝ ռոբերտական: Անդրադառնալով Նիկոլ Փաշինյան-Գագիկ Ծառուկյան հրապարակային փոխադարձ վիրավորանքներին՝ 24TV-ի եթերում ասել է երգիչ, երգահան Ռուբեն Հախվերդյանը:
«Լևոնը Նիկոլի կնքահայրն է, Ռոբերտ Քոչարյանն էլ, ճիշտ է, օգնել է Գագիկ Ծառուկյանին որոշ հարցերում, բայց նրանց բիզնեսները առանձին են, իրար հետ կապ չունեն», - նշել է Հախվերդյանը՝ հավելելով, որ եթե ուզում են պատժել Ռոբերտ Քոչարյանին, պետք է առանձնացնել Գագիկ Ծառուկյանին:
«Նա, եթե հիշում եք, ասեց, ես իմ ժողովրդի կողքին եմ, ոնց իմ ժողովուրդը կուզի, ես այդպես էլ կշարժվեմ, Նիկոլին եք ուզում, Ձեր ցավն էլ տանեմ։ Է հա, բա հիմա ի՞նչ ես ուզում էդ մարդուց, Նիկոլ ջան», -ասել է հայտնի երգահանը:
Բանախոսն անդրադարձել է նաև ներքաղաքական այլ սուր թեմաների:
Մանրամասները՝ տեսանյութում:
--0--ԿԿ