ԵՐԵՎԱՆ, ԴԵԿՏԵՄԲԵՐԻ 15, 24News
Եվրոպական խորհրդի ղեկավար Շառլ Միշելի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպմանը քննարկվել է Լեռնային Ղարաբաղում տարածքների ականազերծման հարցը։ Կողմերը համաձայնության են եկել նաև հայ-ադրբեջանական պետական սահմանի սահմանազատման հարցով ժամանակավոր աշխատանքային խումբ ստեղծելուն, գրում է «ՌԻԱ Նովոստին»։
«Բրյուսելում կայացած հանդիպման (Միշել-Փաշինյան-Ալիև) օրակարգում է դրվել օկուպացիայից ազատագրված Ադրբեջանի տարածքների ականազերծման հարցը, և Եվրամիությունը պատրաստակամություն է հայտնել այդ ուղղությամբ տեխնիկական աջակցություն ցուցաբերել Ադրբեջանին»,-ասված է հայտարարության մեջ։
Ըստ աղբյուրի՝ կողմերը պայմանավորվել են ստեղծել հայ-ադրբեջանական պետական սահմանի սահմանազատման ժամանակավոր աշխատանքային խումբ։