ԵՐԵՎԱՆ, ԱՊՐԻԼԻ 4, 24News
Մերձմոսկվայում ուղևորատար ավտոբուսը ճեղքել է արգելապատնեշը և էստակադայից ընկել ճանապարհին։ Նախնական տվյալներով՝ երկու մարդ մահացել է, 18-ը՝ վիրավորվել։ Այս մասին ՏԱՍՍ-ին հայտնել է արտակարգ ծառայությունների աղբյուրը։
Դեպքը տեղի է ունեցել Մատրենինո գյուղում: Ավտոբուսը շարժվում էր Մոսկվա-Վոլոկոլամսկ երթուղով: Ավտոբուսում ընդհանուր առմամբ եղել է 20 մարդ։
Փրկարարական աշխատանքներին ներգրավված է 41 մարդ և 15 միավոր տեխնիկա: Ավտոբուսի վարորդը բերման է ենթարկվել։
--00—ՀԶ