ԵՐԵՎԱՆ, Հուլիսի 15, 24News
ԱՄՆ-ի ներկայացուցիչների պալատն ընդունել է դեմոկրատ անդամ Քրիս Փափասի կազմած օրինագիծը, որով նախատեսվում է խիստ վերահսկողություն սահմանել Թուրքիային F-16 կործանիչների վաճառքի գործընթացի վրա: Փաստաթուղթն ընդունվել է 244 կողմ 179 դեմ հարաբերակցությամբ: Այս մասին գրում է ermenihaber.am-ը։
Նշվում է, որ Փափասն այս նախագիծը ներկայացրել է Հունաստանի ունեցած մտահոգությունների պատճառով: Դրանում կործանիչների վաճառքի գործընթացում 2 նախապայման է ավելացվում:
Նախապայմաններից մեկն այն է, որ վաճառքը պետք է իրականացվի ԱՄՆ-ի ազգային շահերին համապատասխան, մյուսը՝ պետք է երաշխիքներ տրամադրվեն առ այն, որ կկանխարգելեն Թուրքիայի կողմից այդ կործանիչներով Հունաստանի տարածքում չարտոնված թռիչքների իրականացումը:
Նշվում է, որ Փափասի բերած նախագիծը պետք է կցվի «Պաշտպանության ազգային հատկացումների մասին օրենքին»: Նախագահ Ջո Բայդենը կարող է վետո դնել այս փաստաթղթի վրա:
--00--ԶՀ