ԵՐԵՎԱՆ, ԱՊՐԻԼԻ 4, 24News
Անգլիայի Պրեմիեր լիգայի 31-րդ տուրում «Արսենալը» հյուրընկալել էր «Լութոնին»։ Հանդիպումն ավարտվեց տանտերերի հաղթանակով՝ 2։0 հաշվով։
«Զինագործների» կազմում 24-րդ րոպեին հաշիվը բացեց Մարտին Էդեգորը։ Առաջին կեսի վերջնամասում հյուրերից ինքնագոլի հեղինակ դարձավ Դաիկի Հասիոկան։
Օրվա մյուս խաղում «Մանչեսթեր Սիթին» սեփական հարկի տակ 4։1 հաշվով հաղթեց «Ասթոն Վիլային»։
11-րդ րոպեին տանտերերից հաշիվը բացեց Ռոդրին։ 9 րոպե անց Ջոն Դյուրանը խփեց պատասխան գնդակը։
Դաշտի տերերի կազմում հեթ-տրիկի հեղինակ դարձավ Ֆիլ Ֆոդենը։
«Մանչեսթեր Սիթին» 67 միավորով 3-րդ տեղում է։ «Ասթոն Վիլլան» 59 միավորով 4-րդն է։
Աղյուսակը գլխավորում է «Արսենալը»՝ 68 միավորով։ «Լիվերպուլը», որը մեկ խաղ պակաս է անցկացրել 2-րդ տեղում է 67 միավորով։
Աղբյուրը՝ Armsport.am:
--00—ՅՄ