ԵՐԵՎԱՆ, ՀՈԿՏԵՄԲԵՐԻ 17, 24News
Թուրքիայի պաշտպանության նախարարության աղբյուրները անդրադարձել են հոկտեմբերի 16-ի երեկոյան թուրք-սիրիական սահմանին Քիլիսի մոտակայքում ընկած հրթիռի վերաբերյալ տարածվող լուրերին։ Այս մասին հայտնում է ermenihaber.am-ը։
ՊՆ աղբյուրները մասնավորապես նշում են․ «Սիրիայի տարածքում ավելացել է շարժը։ Երեկ երեկոյան երկու խմբերի միջև բախման ժամանակ մեկ հրթիռ ընկել է մեր սահմանապահ դիրքի պատասխանատվության գոտում՝ Քիլիսից 12 կմ դեպի հարավ-արևելք ընկած հատվածի վրա։
Մենք ուշադիր հետևում ենք ուժերի գործողություններին դաշտում և մեր տարածքներին սպառնացող վտանգներին օպերատիվորեն հետևում ենք ու ձեռնարկում անհրաժեշտ նախազգուշական միջոցներ»։
--00—ԼՀ