ԵՐԵՎԱՆ, ԴԵԿՏԵՄԲԵՐԻ 22, 24News
Արաբկիր վարչական շրջանում 2024 թվականին ավարտին է հասցվել Մերգելյանի անվան այգու շինարարական աշխատանքների առաջին փուլը: Հիմնանորոգվել է 9 բակային տարածք, կառուցվել է ռետինե հատակով ֆուտբոլի 2 դաշտ, ստեղծվել շների համար առանձնացված 1 զբոսայգի, տեղադրվել է 11 մանկական խաղասարք, 100 նստարան, տեղեկացնում է Երևանի քաղաքապետարանը։
Արաբկիր վարչական շրջանում ընթացիկ տարում ասֆալտապատվել է 34500 քմ մակերեսով բակային տարածք:
4300 քմ թեք տանիքներ են հիմնանորոգվել, 48 հասցեում հին վերելակները փոխարինվել են նորով:
Բնակիչներին է վերադարձվել շուրջ 40000 քմ տարածք, որը հետագայում ծառայելու է հենց արաբկիրցիներին։ Բակերից և մայթերից հեռացվել է 25 ավտոտնակ, 22 կրպակ, հիմնանորոգվել է 252 քմ հենապատ։
7 հասցեում ներքին ջրագծերի և կոյուղագծերի վերանորոգման աշխատանքներ են իրականացվել:
Վարչական շրջանի ղեկավարի աշխատակազմն անպատասխան չի թողել որևէ քաղաքացու բողոք և առաջարկ: 2025 թվականին ծրագրերն իրականացնելու են նոր թափով:
--00—ՅՄ