ԵՐԵՎԱՆ, ՀՈՒՆՎԱՐԻ 6, 24News
Մադրիդի «Ռեալի» գլխավոր մարզիչ Կառլո Անչելոտին կարող է լքել զբաղեցրած պաշտոնը, եթե ընթացիկ մրցաշրջանում ակումբը խոշոր գավաթներ չնվաճի։ Այս մասին հայտնում է Relevo-ն, փոխանցում է Armsport.am-ը։
Աղբյուրի համաձայն՝ իտալացին մրցաշրջանի ավարտից հետո կհեռանա Մադրիդի «Ռեալից», եթե թիմը չհաղթի Լա Լիգան կամ Չեմպիոնների լիգան։ Նշվում է, որ թիմը կգլխավորի Լևեկուզենի «Բայերի» ներկայիս գլխավոր մարզիչ Խաբի Ալոնսոն։
Եթե «Ռեալը» նվաճի այդ գավաթներից գոնե մեկը, Անչելոտին կմնա ակումբում մինչև իր պայմանագրի ավարտը, որն ավարտվում է 2025/26 մրցաշրջանի վերջում։
Հատկանշական է, որ նույն ժամանակ ավարտվում է նաև Ալոնսոյի պայմանագրի ժամկետը «Բայերի» հետ։
--00—ՅՄ