ԵՐԵՎԱՆ, ՀՈՒՆՎԱՐԻ 6, 24News
Կանադայի վարչապետ Ջասթին Թրյուդոն հայտարարել է, որ հեռանում է իշխող Լիբերալ կուսակցության ղեկավարի պաշտոնից, սակայն կմնա կառավարության ղեկավարի պաշտոնում այնքան ժամանակ, քանի դեռ լիբերալները չեն ընտրել նոր առաջնորդին։
Նրա հրաժարականի որոշմանը նախորդել էր կուսակցության վարկանիշի անկումը և բացահայտ հակամարտությունները այլ առաջատար լիբերալների հետ:
Իր որոշման մասին Թրյուդոն հայտարարել է երեքշաբթի առավոտյան մամուլի ասուլիսում։
Կանադական լրատվամիջոցների աղբյուրները պարզաբանել են, որ Թրյուդոն որոշել է հայտարարել իր հրաժարականի մասին Լիբերալ կուսակցության ազգային համագումարից առաջ, որը կսկսվի չորեքշաբթի։ Այնտեղ կորոշվի կուսակցության ղեկավարության վերընտրության հարցը, և ենթադրվում է, որ Թրյուդոն ցանկացել է խուսափել մի իրավիճակից, երբ իր կուսակցության անդամները կհեռացնեն նրան ղեկավարի պաշտոնից։
Թրյուդոն ղեկավարել է կուսակցությունը 2013 թվականին, իսկ վարչապետ է դարձել 2015 թվականին, երբ լիբերալները հաղթել են այդ տարի խորհրդարանական ընտրություններում։
Ջասթին Թրյուդոն այնուհետև դարձավ Կանադայի պատմության մեջ ամենաերիտասարդ վարչապետը։
--00—ՅՄ