ԵՐԵՎԱՆ, ՓԵՏՐՎԱՐԻ 16, 24News
Ուկրաինական հակամարտությունը չի կարող ավարտվել մարտի դաշտում, Fox News-ին ասել է ԱՄՆ ազգային անվտանգության հարցերով խորհրդական Մայք Ուոլցը։
«Նախագահ Թրամփը հստակ հասկացրեց, որ այն պետք է ավարտվի: Կան մի քանի հիմնական պայմաններ, որոնք կորոշեն բանակցությունների ընթացքը: Առաջինը, դա պետք է լինի հակամարտության մշտական ավարտը, այլ ոչ թե ժամանակավոր, երկրորդ՝ այն չի կարող ավարտվել մարտի դաշտում», - ասել է Ուոլցը:
Նա հավելել է, որ երրորդ և չորրորդ գործոնները վերաբերում են Կիևին տրամադրվող ամերիկյան օգնության կառուցվածքի փոփոխություններին և տնտեսական ինտեգրմանը։
Պաշտոնյան նաև ընդգծել է, որ անվտանգության երկարաժամկետ երաշխիքների հարցերը պետք է լինեն Եվրոպայի պատասխանատվության ներքո։
--00—ՅՄ