ԵՐԵՎԱՆ, ՓԵՏՐՎԱՐԻ 19, 24News
Շարունակում ենք ընդլայնել կանաչ տարածքները՝ նպաստելով քաղաքի մաքուր օդին, հաճելի միջավայրին և կենսունակությանը։ Այսօր ևս մեկ քայլ կատարեցինք այդ ուղղությամբ՝ մշտադալար ծառեր տնկելով Ազատության հրապարակի հարակից տարածքում, Սարյանի պուրակում և քաղաքի այլ անկյուններում։ Այդ մասին ֆեյսբուքյան էջում գրել է Երևանի քաղաքապետ Տիգրան Ավինյանը․
«Այս ծառերը ոչ միայն կզարդարեն Երևանը տարվա բոլոր եղանակներին, այլև կնպաստեն օդի որակի բարելավմանը՝ ստեղծելով ավելի առողջ ու հարմարավետ միջավայր։
Կանաչապատման աշխատանքները շարունակական են, և առաջիկայում նախատեսում ենք նոր նախաձեռնություններով ընդլայնել Երևանի կանաչ տարածքները՝ վերակենդանացնելով այգիներն ու պուրակները, ինչպես նաև հիմնելով նոր անտառներ»,- նշել է նա։
--00—ՍՊ