Խոշոր ավտովթար՝ Երևանում. բախվել են «Hyundai»-ն ու «Kia»-ն. վերջինը հայտնվել է մայթին.կան վիրավորներ

ԵՐԵՎԱՆ, ՄԱՐՏԻ 5, 24News

.

Այսօր՝ մարտի 5-ին, խոշոր ավտովթար է տեղի ունեցել Երևանում: Ժամը 10:45-ի սահմաններում Բագրատունյաց պողոտայում բախվել են Արագածոտնի մարզի բնակիչ 30-ամյա Սարգիս Արսենյանի վարած «Kia» մակնիշի և Երևանի բնակիչ 24-ամյա Էդգար Քոչարյանի վարած «Hyundai» մակնիշի ավտոմեքենաները: 
 
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի, որոնց առաջինը օգնության են հասել քաղաքացիներն ու ըստ քաղաքացիների՝ օպերատիվորեն ժամանած Երևանի 1-03 շտապօգնության բժիշկների հերթապահ խումբը, տեղափոխվել են «Աստղիկ» բժշկական կենտրոն: 

Տարածքը սահմանազատել են նույն վաշտի պարեկ Ռոբերտ Ասատրյանն ու կրտսեր պարեկ Արթուր Հակոբյանը: 
 
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վիրավորների ինքնությունը: 
 
Քննիչի հանձնարարականով՝ ավտոմեքենաները տեղափոխվում են ՊԾ Երևան քաղաքի գնդի պահպանվող հատուկ տարածք: 
 
Բախման հետևանքով «Kia»-ն դուրս է եկել երթևեկելի գոտուց և հայտնվել մայթին: 

--00--ԱՀ