ԵՐԵՎԱՆ, ԱՊՐԻԼԻ 6, 24News
Իրանը դեռևս ԱՄՆ-ի հետ բանակցությունների ոչ մի փուլ չի անցկացրել իր միջուկային ծրագրի շուրջ։ Թեհրանը պատրաստ է բանակցել Վաշինգտոնի հետ, սակայն միջնորդների միջոցով, կիրակի օրը հայտարարել է Իրանի արտգործնախարար Աբբաս Արաղչին։
Ավելի վաղ ԱՄՆ նախագահ Դոնալդ Թրամփը NBC News-ին տված հարցազրույցում սպառնացել էր «աննախադեպ ռմբակոծություններով», եթե ԱՄՆ-ն ու Իրանը համաձայնության չգան։
«Մենք հայտնել ենք մեր դիրքորոշումը (Վաշինգտոնին - խմբ.)՝ մենք կողմ ենք դիվանագիտական ճանապարհին և բանակցություններին, բայց միջնորդների միջոցով: Իհարկե, պետք է ընդգծել, որ նման բանակցությունների ոչ մի փուլ դեռ չի անցկացվել», - ասել է Արաղչին, ում խոսքերը հրապարակվել են Իրանի ԱԳՆ Telegram ալիքում։
Նա նաև նշել է, որ «ԱՄՆ-ն կարող է միայն երազել» Իրանի հետ գործարքի մասին, որը նման կլինի Լիբիայի հետ Միացյալ Նահանգների գործարքին 2003 թվականին: Այնուհետև Լիբիան հրաժարվեց զանգվածային ոչնչացման զենք արտադրելու գաղափարից՝ համաշխարհային պետությունների, մասնավորապես՝ ԱՄՆ-ի պատժամիջոցների չեղարկման դիմաց:
--00—ՅՄ