ԵՐԵՎԱՆ, ՀՈԿՏԵՄԲԵՐԻ 3, 24News
Հոկտեմբերի 2-ին, ՌՊԼ Ֆոնբեթի Ռուսաստանի գավաթի խաղարկության խմբային փուլի 5-րդ տուրի խաղում Գրոզնիի «Ախմատը» սեփական հարկի տակ ընդունել է «Կրասնոդարին» և 3:0 հաշվով հաղթանակ տարել։
Նշենք, որ «Կրասնոդարը» 77-րդ րոպեից խաղացել են 10 հոգով. կարմիր քարտով խաղադաշտօց հեռացվել է Ջոն Կորդոբան։
Հայաստանի հավաքականի ֆուտբոլիստ Էդուարդ Սպերցյանը խաղադաշտ է մտել 61-րդ րոպեին, իսկ պաշտպան Գեորգի Հարությունյանը խաղացել է առանց փոխարինման:
Հիշեցնենք, որ Ռուսաստանի գավաթի խաղարկության խմբային փուլի առաջին տուրում «Ախմատը» հյուրընկալվելիս նվազագույն հաշվով պարտություն է կրել «Կրասնոդարից»: Այդ հանդիպումն ավարտվել է 1։0 հաշվով։
«Ախմատն» ու «Կրասնոդարը» հինգ տուրում վաստակել են 9-ական միավոր։ Գրոզնիի թիմը C խմբում երկրորդն է, իսկ «Կրասնոդարը»՝ երրորդ:
--00—ՅՄ