ԵՐԵՎԱՆ, ՓԵՏՐՎԱՐԻ 19, 24News
Առցանց հարթակների ձեռներեցներին, այդ թվում՝ Amazon-ի սեփականատեր Ջեֆ Բեզոսին, ըստ Մեծ Բրիտանիայում նոր իրավական կարգավորումների, սպառնում է մինչև երկու տարվա ազատազրկում, եթե նրանք դանակներ վաճառեն մինչև 18 տարեկան երեխաներին: «Արմենպրես»-ի փոխանցմամբ՝ այս մասին հայտնում է The Telegraph-ը։
Միացյալ Թագավորության Ներքին գործերի նախարար Իվետ Կուպերը բարձրացնում է անչափահասներին դանակներ վաճառելու համար նախատեսված առավելագույն պատիժը վեց ամսից մինչև երկու տարի՝ ներմուծելով օրենքներ, ըստ որոնց պատիժը կկիրառվի վաճառքն իրականացնող անհատի կամ ընկերության գործադիր տնօրենի նկատմամբ:
Օրենքները կվերաբերեն ինչպես խոհանոցային դանակների վաճառքին, այնպես էլ արգելված զենքերին, ինչպիսիք են «զոմբի» դանակները:
Օրենսդրական փոփոխություններին նախորդել է 2024 թ․ հուլիսին Սաութփորթում պարի դասընթացի ժամանակ երեք աղջիկների սպանությունը 17-ամյա Ակսել Ռուդակուբանանի կողմից, որը դանակը գնել էր Amazon-ից։
Մանրամասն՝ սկզբնաղբյուր կայքում։
--00—ՅՄ