ԵՐԵՎԱՆ, ՀՈՒՆԻՍԻ 15, 24news
Հայ-ադրբեջանական սահմանային գոտում տեղակայված ՌԴ զինվորական դատախազները կշարունակեն նպաստել հայկական և ադրբեջանական կողմերի փոխգործակցությանը, այդ մասին Հայաստանի, ՌԴ եւ Ադրբեջանի գլխավոր դատախազների հանդիպման ժամանակ ասել է ՌԴ գլխավոր դատախազ Իգոր Կրասնովը, հաղորդում է ռուսական գերատեսչության մամուլի ծառայությունը․
«Հիմնական խնդիրը էսկալացիա թույլ չտալն է»,- նշել է նա։
Հիշեցնենք, այսօր՝ Սանկտ Պետերբուրգի XXVI միջազգային տնտեսական համաժողովի շրջանակում կայացել է Հայաստանի, Ռուսաստանի և Ադրբեջանի գլխավոր դատախազների եռակողմ հանդիպումը։
--00—ՍՊ