ԵՐԵՎԱՆ, ՄԱՐՏԻ 1, 24News
Թրամփը ոչ միայն հիասթափված էր, այլև զայրացած Զելենսկիի պահվածքից, հայտնել է ԱՄՆ նախագահ Դոնալդ Թրամփի ազգային անվտանգության հարցերով խորհրդական Մայք Ուոլցը։
Նրա խոսքով՝ ԱՄՆ նախագահի թիմը եկել է այն եզրակացության, որ հետագա փոխգործակցությունը միայն հետընթացի կհանգեցնի:
«Դա կարող էր դրական պահ լինել Ուկրաինայի համար, մենք կանցնեինք ռուսների հետ հետագա բանակցություններին և կհասնեինք պատերազմի դադարեցմանը։ Բայց փոխարենը, ինչը զայրացրեց նախագահին, որ պարզ չդարձավ, թե արդյոք Զելենսկին ցանկանում է իսկապես դադարեցնել մարտերը: Եվ նա փորձում էր արդարացնել այդ ամենը ամբողջ աշխարհի առջև», - ասել է Ուոլցը՝ Fox News-ին տված հարցազրույցում։
--00--ՍՊ