ԵՐԵՎԱՆ, ՓԵՏՐՎԱՐԻ 25, 24News
Բերիո Հայոց թեմի առաջնորդը Տեր Մակար եպիսկոպոս Աշգարեանը մասնակցել է Սիրիական ազգային երկխոսության խորհրդաժողովի երկրորդ օրվա նիստերին։ Հայտնում են Բերիո Հայոց թեմի մամուլի ծառայությունից։
«Երեքշաբթի, 25 Փետրուար 2025-ին, առաւօտեան ժամը 10։00-ին, Դամասկոսի ժողովրդային պալատէն ներս բացումը կատարուեցաւ սուրիական ազգային երկխօսութեան խորհրդաժողովի երկրորդ օրուան նիստերուն, որուն իր մասնակցութիւնը բերաւ նաեւ Բերիոյ Հայոց Թեմի Առաջնորդ Գերշ. Տէր Մակար Սրբ. Արք. Աշգարեան։
Խորհրդաժողովին պետական աւագանիին կողքին կը մասնակցէին շուրջ 600 հրաւիրեալներ։
Խորհրդաժողովին բացման խօսքով հանդէս եկաւ նախագահ աշ-Շարաա, որ յայտնեց հետեւեալը.
«-Սուրիան նախկին վարչակարգի օրերուն տնտեսական եւ քաղաքական ցաւեր կրեց, այսօր հրաւիրուած էք զրուցելու, համաձայնելու ձեր պետութեան ու հայրենիքի ապագային գծով։
-Այս փուլը տարիներու աւերներէն ու քանդումներէն ետք երկրի վերականգնումի փուլն է։
-Սուրիան դէմ է երկրի բաժանումին։ Երկիրը ամբողջական պիտի ըլլայ։
-Զէնքն ու զինամթերքը պետութեան վերապահուած է ոչ թէ ցուցական աքտերու, այլ իր պարտականութիւնն ու առաքելութիւնը կատարելու համար։
-Քաղաքացիական խաղաղութեան պահպանումը ժողովուրդի բոլոր տարրերուն պարտականութիւնն է։
-Սուրիան խաղաղ գոյակցութեան դպրոց է, որմով օրինակ կրնայ ծառայել ողջ աշխարհին։
- Կարելի չէ ներմուծել այնպիսի համակարգեր, որոնք յարիր չեն մեր երկրի իրավիճակին եւ սուրիական ընկերութիւնը քաղաքական երազներու փորձադաշտի չվերածել։
-Սուրիան ինքզինք ազատագրեց, հետեւաբար ալ ինքզինք պիտո վերակառուցէ:
-Սուրիան կոչ կ՚ուղղէ բոլորիդ ձեռք-ձեռքի գործելու, երկրին ապահովութիւնը, կառուցումը եւ վերածաղկումը իրականացնելու քայլ առ քայլ, առանց Սուրիան ծանրաբեռնելու իր կարողութիւններէն դուրս ծանր բեռով։
-Սուրիան պիտի վերականգնէ իր աշխարհաքաղաքական դիրքը»:
Այնուհետեւ խօսք առաւ Սուրիոյ արտաքին գործոց նախարար Ասաատ աշ-Շայպանին։
Բացման նիստի աւարտին, մասնակիցները բաժնուեցան վեց խումբերու` առանձնաբար քննարկելու անցումային արդարադատութեան, սահմանադրական մշակման, պետական ենթակառոյցներու կառուցման, անձնական ազատութիւններու եւ մարդկային կեանքի, քաղաքացիական հասարակութեան կազմակերպութիւններու դերի ու տնտեսական սկզբունքներու վերաբերող հարցեր:
Քաղուած «Գանձասար» պաշտօնաթերթէն»:
--00—ՍՊ