ԵՐԵՎԱՆ, ՀՈԿՏԵՄԲԵՐԻ 15, 24News
Լեհաստանում մեկնարկել է խորհրդարանական ընտրությունների և համազգային հանրաքվեի քվեարկությունը: Այս մասին հայտնում է «ՌԻԱ Նովոստի»-ն։
Նշվում է, որ տեղական ժամանակով 7:00-ին բացվել են ընտրատեղամասերը, կփակվեն 21:00-ին, ինչից հետո միայն կհրապարակվեն exit poll-ի առաջին տվյալները։
Ընդհանուր առմամբ ստեղծվել է 31 497 ընտրատեղամաս, այդ թվում՝ 417-ը արտասահմանում և ութը նավերում։
Լեհաստանի քաղաքացիները պետք է ընտրեն սեյմի՝ խորհրդարանի, ստորին պալատի 460 պատգամավոր և սենատի՝ վերին պալատի, 100 անդամ:
--00—ՅՄ