ԵՐԵՎԱՆ, ՀՈԿՏԵՄԲԵՐԻ 23, 24News
Երեկ՝ հոկտեմբերի 22-ին, ավտովթար է տեղի ունեցել Արարատի մարզում: Ժամը 10:00-ի սահմաններում Ոսկետափ-Այգավան միջհամայնքային ճանապարհի Այգավան գյուղի վարչական տարածքում բախվել են Արարատի մարզի բնակիչներ 68-ամյա Վլադմիրի Ս.-ի վարած ГАЗель մակնիշի և 46-ամյա Հարություն Ա.-ի վարած Volkswagen մակնիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Հարություն Ա.-ն մարմնական վնասվածքներով տեղափոխվել է Վեդիի բժշկական կենտրոն:
Բախման հետևանքով ГАЗель-ը դուրս է եկել երթևեկելի գոտուց և բախվել հերոս ազատամարտիների հիշատակը հավերժացնող հուշակոթողին՝ մասմաբ վնասելով այն:
Դեպքի վայր են ժամանել ՀՀ Ներքին գործերի նախարարության Ոստիկանության Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Մառլեն Սարգսյանի, դասակի հրամանատար Արտյոմ Բեկլարյանի գլխավորությամբ:
Մանրամասն՝ սկզբնաղբյուր կայքում։
--00—ՅՄ