ԵՐԵՎԱՆ, ՀՈԿՏԵՄԲԵՐԻ 16, 24News
Հոկտեմբերի 15-ին դեսպան Լիլիթ Մակունցը հանդիպել է Բրուքինգս Ինստիտուտի հակակոռուպցիոն, ժողովրդավարական և անվտանգային հարցերի կառավարման հետազոտությունների գծով ավագ տնօրեն Ջոնաթան Կատցի հետ։ Այս մասին հայտնում են ԱՄՆ-ում ՀՀ դեսպանությունից։
Դեսպանը ներկայացրել է անվտանգային իրադրությունը Հայաստանում և Հարավային Կովկասում, ինչպես նաև խաղաղության գործընթացում արձանագրված վերջին զարգացումները։
Անդրադարձ է կատարվել նաև Հայաստանի ժողովրդավարական բարեփոխումների օրակարգին, քննարկվել են հետագա փոխգործակցության հնարավոր ուղղությունները։
--00—ՅՄ