ԵՐԵՎԱՆ, ՓԵՏՐՎԱՐԻ 26, 24News
Չինաստանը ուշադրությամբ հետևում է ԱՄՆ նախագահ Դոնալդ Թրամփի ուկրաինական ռազմավարությանը: Դիտորդների խոսքով՝ այժմ էլ Պեկինը քայլեր է կատարում՝ իրեն դիրքավորելու որպես Ուկրաինայի ռազմավարական գործընկեր, միաժամանակ պահպանելով «անսահման» գործընկերությունը Ռուսաստանի հետ:
Հիշեցնենք՝ անցած շաբաթ Սաուդյան Արաբիայի մայրաքաղաք Էր-Ռիադում տեղի ունեցավ ԱՄՆ-ի և Ռուսաստանի բարձրաստիճան պաշտոնյաների հանդիպումը։ Այս շաբաթ Վաշինգտոնում սպասում են Մեծ Բրիտանիայի վարչապետ Քիր Սթարմերին, իսկ երկուշաբթի Սպիտակ տանն էր Ֆրանսիայի նախագահ Էմանյուել Մակրոնը։
Մակրոնի և Թրամփի բանակցությունները տևել են գրեթե երկու ժամ։ Երկու պետությունների ղեկավարները նաև մասնակցել են Ուկրաինային նվիրված տեսակոնֆերանսին՝ Մեծ յոթնյակի մյուս առաջնորդների հետ։
Երկուշաբթի Չինաստանի նախագահ Սի Ծինփինը հեռախոսազրույց է ունեցել Ռուսաստանի նախագահ Վլադիմիր Պուտինի հետ, որը նրան տեղեկացրել է Էր-Ռիադի հանդիպման արդյունքերի մասին և վերահաստատել Ռուսաստանի ու Չինաստանի միջև առկա «համապարփակ գործընկերության» և «ռազմավարական փոխգործակցության» կարևորությունը Կրեմլի համար։ Չինական կողմի հայտարարության մեջ ասված է, որ «Չինաստանը ողջունում է Ռուսաստանի և այլ կողմերի դրական ջանքերը՝ ուղղված ճգնաժամի կարգավորմանը»: