ԵՐԵՎԱՆ, ՄԱՐՏԻ 11, 24News
Ուկրաինայի պատվիրակությունը կոնկրետ քայլեր և առաջարկներ է ներկայացրել հակամարտությունն ավարտելու համար։ Այդ մասին հայտարարել է ԱՄՆ նախագահ Դոնալդ Թրամփի ազգային անվտանգության հարցերով խորհրդական Մայք Ուոլցը։
Մոտ օրերս բանակցություններ տեղի կունենան Ռուսաստանի ներկայացուցչի հետ, նշել է նա։
Ուկրաինայի նախագահի գրասենյակից էլ հայտարարել են, որ Միացյալ Նահանգները պարտավորվել է Ռուսաստանի ներկայացուցիչների հետ քննարկել այդ կոնկրետ առաջարկները: Ուկրաինական պատվիրակությունը ևս մեկ անգամ ընդգծել է, որ եվրոպացի գործընկերները պետք է ներգրավված լինեն խաղաղության գործընթացում։ Ի վերջո, երկու երկրների նախագահները պայմանավորվել են հնարավորինս արագ համապարփակ համաձայնագիր կնքել Ուկրաինայի կրիտիկական հանքային ռեսուրսների մշակման վերաբերյալ՝ Ուկրաինայի տնտեսությունն ամրապնդելու և Ուկրաինայի երկարաժամկետ բարգավաճումն ու անվտանգությունը երաշխավորելու համար։
--00—ՍՊ