Սարդարապատ գյուղում հայտնաբերվել է կանեփի 52 բույս․ 55-ամյա տղամարդը բերման է ենթարկվել

ԵՐԵՎԱՆ, ՀՈԻՆԻՍԻ 3, 24News

Ոստիկանության Արմավիրի մարզային վարչության քրեական հետախուզության բաժանմունքի ծառայողները ապօրինի թմրաշրջանառության վերաբերյալ օպերատիվ տեղեկություններ էին ստացել։



Մայիսի 31-ին Սարդարապատ գյուղի տներից մեկի հողամասի զննությամբ հայտնաբերեցին մշակումն արգելված կանեփի 52 բույս: Ըստ տանտիրոջ՝ հայտնաբերվածն աճեցրել ու մշակել էր՝ հետագայում թմրամիջոց պատրաստելու և օգտագործելու համար: 55-ամյա տղամարդը բերման ենթարկվեց ոստիկանության Արմավիրի բաժին: Մյուս տվյալն իրացվեց հունիսի 2-ին: Զննություն կատարվեց Արմավիր քաղաքի Սայաթ-Նովայի փողոցի տներից մեկի հողամասում։ Հայտնաբերվեցին կանեփի 193 բույս և մարիխուանայի նմանվող զանգվածով փաթեթ:



47-ամյա տանտիրոջ հայտարարության համաձայն՝ կանեփն ինքն էր ցանել, մշակել՝ հետագայում թմրամիջոց պատրաստելու և օգտագործելու համար: Նա ևս բերման է ենթարկվել։



Նշանակվել են փորձաքննություններ։



Հանգամանքները պարզվում են։



--00--ՀԶ