ԵՐԵՎԱՆ, ՓԵՏՐՎԱՐԻ 10, 24News
Հայաստանի արտաքին գործերի նախարար Արարատ Միրզոյանն ու Ռուսաստանի Դաշնության արտաքին քաղաքական գերատեսչության ղեկավար Սերգեյ Լավրովն ուրբաթ հեռախոսազրույցի ընթացքում քննարկել են Երևանի ու Բաքվի միջև հարաբերությունների կարգավորման գործընթացը։
Ինչպես հայտնում է ՌԴ ԱԳՆ մամուլի ծառայությունը, հեռախոսազրույցը տեղի է ունեցել հայկական կողմի նախաձեռնությամբ։ «Քննարկվել են հայ-ադրբեջանական հարաբերությունների կարգավորման խնդիրները։ Ռուսական կողմը կարևորել է ամենաբարձր մակարդակով 2020 թվականի նոյեմբերի 9-ին, հունվարի 11-ին, 2021 թվականի նոյեմբերի 26-ին և 2022 թվականի հոկտեմբերի 31-ին եռակողմ համաձայնագրերի կատարման աշխատանքների արագ վերսկսումը, ներառյալ բոլոր տրանսպորտային և տնտեսական կապերի ապաշրջափակումը, ինչպես նաև հայ-ադրբեջանական սահմանի սահմանագծումն ու սահմանազատումը, ինչպես նաև խաղաղության պայմանագրի սկզբունքների համաձայնեցումը», - ասված է հաղորդագրությունում։
Արարատ Միրզոյանը շնորհավորել է Սերգեյ Լավրովին ՌԴ-ում նշվող «Դիվանագետի օրվա» առթիվ, կողմերը քննարկել են հայ-ռուսական հարաբերությունների օրակարգային հարցեր՝ փոխադարձ տրամադրվածություն հայտնելով ամրացնել դաշնակցային հարաբերությունները։
--00—ԶՀ