ԵՐԵՎԱՆ, ՄԱՐՏԻ 7, 24News
Հայկական դիրքերից մեկում երկրապահ կամավորական միության անդամ է մահացել: Այս մասին 24News-ին տեղեկացրեց ՊՆ մամուլի քարտուղար Արամ Թորոսյանը:
«Արձանագրվել է ԵԿՄ-ականի կենսաբանական մահ: Մահվան պատճառը կպարզի դատաբժշկական փորձաքննությունը»,- հավելեց Թորոսյանը:
24News-ի տեղեկություններով, դեպքը տեղի է ունեցել Վարդենիսի դիրքերից մեկում:
Նշենք, որ երեկվանից համացանցում տեղեկություններ են շրջանառվում, որ Գեղարքունիքի հատվածում այսօր երեկոյան դիրքապահի դի են գտել, անձը Հրազդանից է, 63 տարեկան:
Ըստ լուրերի՝ թշնամու կրակոց չի եղել, երկրապահի դին ձների մեջ են հայտնաբերել, ենթադրաբար՝ կաթվածահար է եղել, կամ՝ տղամարդը ձնաբքի մեջ է ընկել եւ չի փրկվել:
Արամ Թորոսյանը մահվան հանգամանքները չնշեց՝ ասելով, որ դատաբժշկական փորձաքննությունը կպարզի:
Հերմինե Միքայելյան
--00—ԱՊ