ԵՐԵՎԱՆ, ՓԵՏՐՎԱՐԻ 19, 24News
ԱՄՆ նախագահ Դոնալդ Թրամփը չի բացառել, որ այս ամիս կհանդիպի Ռուսաստանի նախագահ Վլադիմիր Պուտինի հետ։
«Հնարավոր է», - պատասխանել է Թրամփը լրագրողների այն հարցին, թե արդյոք հանդիպումը կարող է տեղի ունենալ այս ամիս։
Ֆլորիդայում կայացած մամուլի ասուլիսում նա նաև ԱՄՆ նախագահի պաշտոնում իր աշխատանքի կարևոր մասն է անվանել աշխարհում ծագած ճգնաժամերի լուծումը, որոնք առաջացել էին մինչև իր իշխանության վերադառնալը։
«Ես հրշեջի պես եմ, ինձ պետք է հրդեհները մարել ամբողջ աշխարհում»,- ասել է Սպիտակ տան ղեկավարը։
Ավելի վաղ հաղորդվում էր, որ Թրամփը գոհ է Սաուդյան Արաբիայում Մոսկվայի և Վաշինգտոնի միջև ուկրաինական ճգնաժամի շուրջ բանակցություններից։
«Ես հիմա շատ ավելի վստահ եմ, որ կարելի է գործարք կնքել, ամեն ինչ շատ լավ է անցել: Ռուսաստանը ցանկանում է ինչ-որ լուծման գալ»,- ասել է նա։
--00—ՅՄ