ԵՐԵՎԱՆ, ՄԱՐՏԻ 10, 24News
Իտալիայի առաջնության 28-րդ տուրում Թուրինի «Յուվենտուսն» այսօր սեփական հարկի տակ ընդունել է «Ատալանտային» և 4 անպատասխան գնդակ ընդունել սեփական դարպասը:
Հանդիպման հաշիվը խաղի արդեն 29-րդ րոպեին բացել է թուրինցիների 32-ամյա հարձակվող Մատեո Ռետեգին՝ անվրեպ իրացնելով 11-մետրանոցը: Այս գոլը միակն է եղել առաջին կեսում:
Երկրորդ խաղակեսի հենց մեկնարկում՝ 46-րդ րոպեին, թուրինցիների առավելությունը կրկնապատկել է Մարտեն դե Ռոնը:
67-րդ րոպեին Դավիդե Զապակոստան Սեադ Կոլաշինացի փոխանցումից հետո հաշիվը դարձրել է խոշոր.
77-րդ րոպեին էլ Ադեմոլա Լուկմանը ձևակերպել է հանդիպման վերջնահաշիվը:
Անցկացրած 28 հանդիպումներից հետո «Յուվենտուսը» Ա Սերիայի մրցաշարային աղյուսակի չորրորդ տեղում է՝ 52 միավորով։ «Ատալանտան» 28 խաղից հետո 58 միավորով երրորդն է։
Աղբյուրը՝ Armsport.am:
--00—ՅՄ