ԵՐԵՎԱՆ, ՄԱՐՏԻ 28, 24News
Մարտի 26-28-ը Չինաստան է այցելել Ադրբեջանի փոխարտգործնախարար Էլնուր Մամեդովը։
Ինչպես ԱՊԱ-ին հայտնել են Ադրբեջանի ԱԳՆ-ից, մարտի 28-ին Պեկինում կայացել է Ադրբեջանի և Չինաստանի արտաքին գործերի նախարարությունների միջև քաղաքական խորհրդակցությունների հերթական փուլը:
Քաղաքական խորհրդակցությունների ժամանակ Ադրբեջանի պատվիրակությունը գլխավորում էր փոխնախարար Էլնուր Մամեդովը, իսկ Չինաստանի պատվիրակությունը՝ արտաքին գործերի փոխնախարար Լյու Բինը։
Խորհրդակցությունների ընթացքում մտքերի հանգամանալից փոխանակում է տեղի ունեցել քաղաքական, տնտեսական, առևտրի, էներգետիկայի, թվային զարգացման, տրանսպորտի և լոգիստիկայի, կրթության, մշակույթի, զբոսաշրջության և այլ ոլորտներում համագործակցության վերաբերյալ։
Նշվել է բարձր մակարդակի փոխայցելությունների կարևորությունը, ընդգծվել է դրանց դրական ազդեցությունը երկկողմ հարաբերությունների բազմաթիվ ոլորտներում։
Մամեդովը չինացի պաշտոնակցին ներկայացրել է նաև հայ-ադրբեջանական կարգավորման գործընթացի մանրամասները:
--00—ՅՄ