ԵՐԵՎԱՆ, ՀՈԿՏԵՄԲԵՐԻ 11, 24News
Հոկտեմբերի 12-ին՝ ժամը 00:46-ին, Գեղարքունիքի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Լուսակունք գյուղի տներից մեկում։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ հրդեհը բռնկվել է Լուսակունք գյուղի 1-ին փողոցի տներից մեկին կից անասնագոմի տանիքում:
Հրդեհը մեկուսացվել է ժամը 02:32-ին, մարվել՝ 03:54-ին: Այրվել են անասնագոմի տանիքի (240 քմ) փայտե կառուցատարրերը և առաստաղը (մոտ 36 քմ)։
--00—ԼՄ