ԵՐԵՎԱՆ, ՀՈՒՆՎԱՐԻ 26, 24News
Իսրայելի վարչապետ Բենիամին Նեթանյահուն շնորհակալություն է հայտնել ԱՄՆ նախագահ Դոնալդ Թրամփին՝ հրեական պետությանը 2000 ֆունտ (մոտ 907 կգ) ռումբերի մատակարարման արգելքը հանելու համար։ Նրա խոսքով՝ դա իր երկրին պետք է ինքնապաշտպանության համար։
«Շնորհակալ եմ նախագահ Թրամփ, որ կատարեցիք ձեր խոստումը Իսրայելին տրամադրելու անհրաժեշտ գործիքներ՝ իրեն պաշտպանելու, մեր ընդհանուր թշնամիների դեմ պայքարելու և խաղաղության և բարգավաճման ապագա ապահովելու համար», - ասել է Նեթանյահուն՝ ըստ վարչապետի գրասենյակի հայտարարությունների։
--00—ՅՄ