Աղբյուր․ Թիկնիզյանը թոփ լիգայում կարիերան շարունակելու նոր տարբերակ ունի

ԵՐԵՎԱՆ, ՄԱՐՏԻ 18, 24News

aa

РБ Спорт-ի տեղեկություններով՝ Մոսկվայի «Լոկոմոտիվի» և Հայաստանի ֆուտբոլի ազգային հավաքականի պաշտպան Նաիր Թիկնիզյանը կարող է տեղափոխվել իսպանական «Ժիրոնա»։

«Ժիրոնան» փոխարինող է փնտրում իսպանացի պաշտպան Միգել Գուտյերեսին, ով, ամենայն հավանականությամբ, ամառային տրանսֆերային պատուհանի ժամանակ կհեռանա ակումբից և կվերադառնա Մադրիդի «Ռեալ» կամ կտեղափոխվի «Լիվերպուլ»։

23-ամյա իսպանացուն փոխարինելու թեկնածուներից մեկը 25-ամյա հայ ֆուտբոլիստն է, ում ծառայություններով նախկինում հետաքրքրված էին ֆուտբոլի Իսպանիայի առաջնության այլ ակումբներ, այդ թվում՝ «Սևիլիան» և «Լեգանեսը»:

Այս մրցաշրջանում Թիկնիզյանը բոլոր մրցաշարերում ակումբի կազմում անցկացրած 27 հանդիպմանը դարձել է երկու գոլի և 4 գոլային փոխանցման հեղինակ։

--00—ՍՊ