ԵՐԵՎԱՆ, ՓԵՏՐՎԱՐԻ 6, 24News
Արարատի մարզում այսօր՝ փետրվարի 6-ին, ժամը 18։00-ի սահմաններում Արտաշատ քաղաքի Օգոստոսի 23-ի փողոցում բախվել են Mercedes և Honda Fit մակնիշի ավտոմեքենաները։ Այս մասին հաղորդում է shamshyan.com-ը։
Վթարի հետևանքով 3 հոգի քաղաքացիների օգնությամբ դուրս են բերվել Mercedes-ից և տեղափոխվել «Արտաշատ» ԲԿ, այնուհետև ահազանգ է ստացվել Ոստիկանության Արտաշատի բաժին, որ վիրավորներից մեկը, գիտակցության չգալով, մահացել է։
Դեպքի փաստով Արարատի մարզային քննչական վարչությունում նախաձեռնվել է քրեական վարույթ։
Կայքի տեղեկություններով՝ մահացածն ու վիրավորները ընտանիքի անդամներ են, մահացածը հայրն է, վիրավորները՝ կինն ու նրանց տղան։
--00--ԱՀ