ԵՐԵՎԱՆ, ՀՈԿՏԵՄԲԵՐԻ 13, 24News
Սուրբ թարգմանիչ վարդապետների, Գրիգոր Նարեկացու և Ներսես Կլայեցու հիշատակության տոնին կրկնակի ուրախություն էր Արագածոտնի թեմում:
Թեմակալ Առաջնորդ Գերաշնորհ Տեր Մկրտիչ եպիսկոպոս Պռոշյանի ձեռամբ վերաօծվեց՝ Ավետիսյան ընտանիքի ազնիվ բարերարությամբ վերանորոգված ու բարեզարդված, Ղազարավանի Մենաստանի Սուրբ Նարեկ եկեղեցու Սուրբ Սեղանը և Սրբապատկերները:
Ընտանիքի բարերարությամբ ու ջանքերով վերանորոգվել են նաև եկեղեցու տանիքն ու Սուրբ Խորանը: Բարերարները եկեղեցու են նվիրաբերել նաև եկեղեցական արարողությունների կազմակերպման համար անհրաժեշտ սպասք և գույք:
Սրբազան Հայրը իր երախտիքի խոսքն հայտնեց բարերար ընտանիքին եկեղեցու բարեկարգման աշխատանքներն իրականացնելու, եկեղեցու հանդեպ ունեցած հոգածու վերաբերմունքի և նվիրվածության համար:
Եկեղեցին նոր շունչ առած կրկին բացվեց հավատավոր մեր զավակների առջև և հետայսու յուրաքանչյուր կիրակի ժամը 10:30 կրկին եկեղեցում կմատուցվի Սուրբ և Անմահ Պատարագ:
--00—ՅՄ