ԵՐԵՎԱՆ, ՀՈԿՏԵՄԲԵՐԻ 19, 24News
Ես ուզում եմ հետևորդներիս ու կիսողներիս թիվը այստեղ կրկնակի պակասի իսկ գնդապետ Ս.Գևորգյանի կողքին կանգնածների թիվը ավելանա: Եղբայրներ, քույրեր գործը այնտեղ է, այստեղ գործ անող շատ կա: Այս մասին գրել է ՀՀ ՊՆ ներկայացուցիչ Արծրուն Հովհաննիսյանը։
«Երկու սպա քույրերս, որոնցից մեկի ամուսինն ի դեպ զոհվել է արդեն, ու մի քանի եղբայրներս հիմա ճակատում են, նրանցից մի քանիսը վիրավոր են, մյուսները շարունակում են մարտերը»,- գրել է նա:
Սեպտեմբերի 27-ի վաղ առավոտյան Ադրբեջանը, խախտելով բոլոր միջազգային պարտավորվածությունները, թուրքական բանակի և Մերձավոր Արևելքից բերված ահաբեկիչների անմիջական մասնակցությամբ հարձակում է գործել Արցախի ուղղությամբ։ Այդ ընթացքում բազմիցս հրետակոծվել են թե՛ Արցախի և թե՛ Հայաստանի բնակավայրերը, խաղաղ բնակչության շրջանում կան բազմաթիվ զոհեր ու վիրավորներ, ավերվել են տասնյակ շինություններ, ահռելի վնաս է հասցվել քաղաքացիական ենթակառուցվածքներին։
Հայկական Զինված ուժերը հերոսական ու համառ մարտեր են մղում հակառակորդի դեմ՝ պատճառելով նրան կենդանի ուժի և տեխնիկայի ծանրագույն կորուստներ։
--00—ՄՀ