ԵՐԵՎԱՆ, ՀՈՒՆՎԱՐԻ 29, 24News
Ֆուտբոլային գործակալ Ալեքսանդր Կլյուևը, ով ներկայացնում է «Լոկոմոտիվի» պաշտպան Նաիր Թիկնիզյանի շահերը, մեկնաբանել է ֆուտբոլիստի ապագան։
Ավելի վաղ տեղեկություններ էին հայտնվել, որ «Սևիլիան» հրաժարվել է Թիկնիզյանի տեղափոխությունից։ Կլյուևի խոսքով՝ ինքը տեղեկություն չունի այդ մասին։
«Ես նման տեղեկություն չունեմ։ Հնարավո՞ր է այս ձմռանը Թիկնիզյանի տեղափոխությունը «Սևիլիա»։ Ամեն ինչ հնարավոր է»,- Կլյուևի խոսքերն է մեջբերում Sport24-ը։
2024/2025 մրցաշրջանում Նաիր Թիկնիզյանն անցկացրել է 23 հանդիպում՝ դառնալով երկու գոլի և 3 գոլային փոխանցման հեղինակ։
Armsport
--00—ՍՊ