Իր երկրորդ նախագահության շրջանի առաջին ելույթը Կոնգրեսում նախագահ Դոնալդ Թրամփը սկսեց` հայտարարելով, որ «Ամերիկան վերադարձել է», որին անմիջապես հաջորդեց հանրապետական օրենսդիրների բուռն արձագանքը` «ԱՄՆ-ԱՄՆ» վանկարկումներով։
«Վեց շաբաթ առաջ կանգնեցի այս Կապիտոլիումի գմբեթի տակ և հռչակեցի Ամերիկայի ոսկե դարի արշալույսը: Այդ պահից սկսած դա ոչ այլ ինչ էր, քան արագ և անողոք գործողություն՝ մեր երկրի պատմության ամենամեծ և ամենահաջող դարաշրջանը սկսելու համար», - հայտարարել է Թրամփը: