ԵՐԵՎԱՆ, ՄԱՐՏԻ 8, 24News
Մասնագետները զգուշացնում են՝ տարածվում է նոր վիրուս։
«Եղեք զգույշ և զգոն։
Դրանք արդեն սկսել են iMessage-ում, թեև ես վստահ եմ, որ այլ SMS հարթակներ նույնպես վարակված են:
Մի սեղմեք որևէ հղում կամ մուտքագրեք որևէ տվյալ»,- զգուշացնում է Սերգեյ Չամանյանը։
Հայփոստից նույնպես հայտնում են.
«Հարգելի քաղաքացիներ
Կեղծ էջերից հաղորդագրություններ են ուղարկում՝ հաճախորդների անձնական տվյալները կորզելու նպատակով։
Պաշտոնապես հայտնում ենք, որ Հայփոստն այս հաղորդագրությունների հետ որևէ առնչություն չունի: Հորդորում ենք քաղաքացիներին ուշադրություն դարձնել, թե ինչ հեռախոսահամարից են ստանում տվյալ հաղորդագրությունը, ինչպես նաև կայքի հղումին, որը կրկին ոչ պաշտոնական է:
Հարգելի հաճախորդներ, խնդրում ենք չվստահել կեղծ էջերին և որևէ անձնական տվյալ չտրամադրել, չանցնել անհայտ հղումներով։
Հավելենք, որ Հայփոստի հաճախորդներն առաքանիի մասին հաղորդագրություն են ստանում պաշտոնական հեռախոսահամարից, երբ իրենց առաքանին փոստային բաժանմունքում է: Հաղորդագրության մեջ կցվում է նաև պաշտոնական հղում, որի միջոցով կարող են առաքում պատվիրել:
Հայփոստի ծառայությունների ու առաջարկների վերաբերյալ տեղեկություններ ստանալու համար հորդորում ենք օգտվել բացառապես պաշտոնական աղբյուրներից»։
--00--ՍՊ