ԵՐԵՎԱՆ, ՄԱՐՏԻ 23, 24News
Սպիտակ տունը դեռևս չի համաձայնել Կիևին զենքի մատակարարումների սահմանափակումներին՝ որպես հրադադարի համաձայնագրի շուրջ աշխատանքի մի մաս, հայտնում է Bloomberg-ը՝ հղում անելով աղբյուրներին։
«Սպիտակ տունը, որն այս ամսվա սկզբին կարճ ժամանակով դադարեցրել է կենսական նշանակության զենքի մատակարարումները՝ Ուկրաինայի վրա ճնշում գործադրելու համար, դեռևս չի համաձայնել որևէ սահմանափակումների», - հայտնում է գործակալությունը։
Ռուսաստանը կարծում է, որ Ուկրաինային զենքի մատակարարումները խոչընդոտում են կարգավորմանը, անմիջականորեն ներքաշում են ՆԱՏՕ-ի երկրներին հակամարտության մեջ և «կրակի հետ են խաղում»։ Ռուսաստանի արտգործնախարար Սերգեյ Լավրովը նշել է, որ Ուկրաինայի համար զենք պարունակող ցանկացած բեռ Ռուսաստանի համար օրինական թիրախ կլինի։ Նրա խոսքով՝ ԱՄՆ-ն և ՆԱՏՕ-ն անմիջականորեն ներգրավված են հակամարտությունում, այդ թվում՝ ոչ միայն զենք մատակարարելով, այլև Մեծ Բրիտանիայում, Գերմանիայում, Իտալիայում և այլ երկրներում կադրեր պատրաստելով։ Կրեմլը հայտարարել է, որ Արևմուտքի կողմից Ուկրաինա զենք մղելը չի նպաստում բանակցություններին և բացասական ազդեցություն կունենա։
--00—ՅՄ