ԵՐԵՎԱՆ, ԱՊՐԻԼԻ 16, 24News
ԱՄՆ նախկին առաջնորդ Ջո Բայդենը Իլինոյս նահանգի Չիկագո քաղաքում իր նախագահական ժամկետի ավարտից հետո առաջին ելույթն է ունեցել։
Բայդենը մասնակցել է ACRD ոչ կառավարական կազմակերպության համաժողովին, որը իրավական աջակցություն է տրամադրում հաշմանդամություն ունեցող անձանց։ Նա խոսել է մոտ 30 րոպե և իր խոսքում ոչ մի անգամ չի նշել Ամերիկայի ներկայիս առաջնորդ Դոնալդ Թրամփի անունը, թեև քննադատել է իր վարչակազմի սոցիալական ապահովության քաղաքականությունը։
Բացի այդ, նախկին նախագահը ունկնդիրների ուշադրությունը հրավիրել է ամերիկյան հասարակության պառակտման վրա և զգուշացրել, որ այլևս այդպես շարունակվել չի կարող։
Հունվարի 20-ին 82-ամյա Բայդենը Սպիտակ տունը զիջել է Թրամփին։ Նա պետության ղեկավարի պաշտոնը զբաղեցրել է 2021-2025 թվականներին։
--00—ՅՄ