ԵՐԵՎԱՆ, ՄԱՐՏԻ 6, 24News
Հայաստանի հանրապետական կուսակցությունը կմասնակցի Երևանի ավագանու առաջիկա ընտրություններին: Թեմայի առնչությամբ շրջանառվող լուրերն է մեկնաբանել ՀՀԿ փոխնախագահ Արմեն Աշոտյանը՝ ի պատասխան 168.am-ին։
Քաղաքական գործիչն ասել է, որ երկրում և տարածաշրջանում ստեղծված գերլարված իրավիճակը թելադրում են քաղաքական այլ գերակայություններ ՀՀԿ-ի գործունեության և առաջնահերթությունների տեսակետից:
«Երևանի ավագանու ընտրությունների հետ կապված՝ Հանրապետական կուսակցությունը այս պահին որևէ բան չի քննարկել, առավել ևս՝ չի որոշել ոչ մասնակցության, ոչ ձևաչափի, ոչ էլ որևէ մեկին սատարելու հետ կապված»,- ասել է Արմեն Աշոտյանը՝ ևս մեկ անգամ կրկնելով, որ ՀՀԿ-ն Հայաստանի և Արցախի շուրջ ստեղծված իրավիճակում այլ առաջնահերթություններ ունի, քան Երևանի ավագանու ընտրություններն են:
--00—ԼՄ