ԵՐԵՎԱՆ, ՀՈՒՆՎԱՐԻ 11, 24News
«Ճանապարհային դեպարտամենտ» հիմնադրամից հայտնում են․ «Հունվարի 11-ին՝ ժամը 19։40-ի դրությամբ, Վայքի, Մարտունիի, Նոյեմբերյանի, Դիլիջանի, Տավուշի, Սևանի, Գավառի, Աշոցքի, Ճամբարակի, Թումանյանի, Թալինի, Տաշիրի, Աբովյանի տարածաշրջաններում ձյուն է տեղում։
Վարդենյաց լեռնանցքը դժվարանցանելի է կցորդով տրանսպորտային միջոցների համար։
Սիսիանի «Զանգեր» կոչվող հատվածում մառախուղ է, տեսանելիությունը՝ 20 մետր։
Միջպետական և հանրապետական նշանակության բոլոր ավտոճանապարհները բաց են:
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ»"
--00—ՍՊ