ԵՐԵՎԱՆ, ՄԱՐՏԻ 20, 24News
Մարտի 19-ին` ժամը 19:40-ին, Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ կցորդիչով բեռնատարն արգելափակվել է Երևան-Մեղրի ավտոճանապարհի Սարավան-«Զանգեր» հատվածում․ ճանապարհը դարձել է միակողմանի երթևեկելի:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ կցորդիչով բեռնատարը երկկողմանի փակել է ավտոճանապարհը, կան այլ արգելափակված ավտոմեքենաներ։
Փրկարարները Երևան-Մեղրի ավտոճանապարհի 163-րդ կմ-ին արգելափակումից դուրս են բերել 20 տրանսպորտային միջոց և 49 քաղաքացու ցուցաբերել համապատասխան օգնություն։
--00—ՅՄ