ԵՐԵՎԱՆ, ՓԵՏՐՎԱՐԻ 20, 24News
ՀՖՖ մամուլի քարտուղարությունը հայտնում է, որ Հակոբ Տոնոյանի անվան Սուպերգավաթի` փետրվարի 20-ին կայանալիք հանդիպումը չի կայանա:
«Հայաստանի ֆուտբոլի ֆեդերացիայի, «Հանրապետական» մարզադաշտի և Ֆուտբոլի ակադեմիայի աշխատակիցները գործադրեցին բոլոր ջանքերը՝ խաղադաշտը պատշաճ տեսքի բերելու համար, սակայն առատ ձյան և եղանակային անբարենպաստ պայմանների պատճառով հանդիպման կայացումը դարձավ անհնար:
Հանդիպման կայացման նոր ժամկետի մասին կհայտնենք լրացուցիչ»,- ասվում է ֆեդերացիայի տարածած հաղորդագրության մեջ:
Հակոբ Տոնոյանի անվան Սուպերգավաթի խաղում միմյանց հետ պետք է մրցեն Հայաստանի Պրեմիեր լիգայի 2023/24 մրցաշրջանի չեմպիոն «Փյունիկը» և Հայաստանի 2024 թվականի գավաթակիր «Արարատ-Արմենիան»:
--00—ՅՄ