ԵՐԵՎԱՆ, ՄԱՐՏԻ 21, 24News
24News-ի հավաստի աղբյուրների փոխանցմամբ, գիշերը ադրբեջանցիների կողմից կրակոցներ են հնչել սահմանի հարավարևելյան հատվածում՝ Գեղարքունիքում տեղակայված հայկական դիրքերի ուղղությամբ։
Մեր աղբյուրի փոխանցմամբ, անկանոն կրակահերթ է եղել։ Մենք փորձեցինք Գեղարքունիքի մարզի սահմանապահ մի շարք գյուղերի ղեկավարների հետ խոսել, հասկանալ՝ արդյո՞ք լսվել են գյուղում ձայներ։
Կութ, Սոթք համայնքի ղեկավարները նախ նշեցին, որ հետևենք ՊՆ-ի հաղորդագրություններին, բայց և հավելեցին , որ գյուղում իրավիճակը հանգիստ է, ինչպես երեկ է եղել։
Նշենք, որ պաշտպանության նախարար Սուրեն Պապիկյանն այսօր ԱԺ-ում լրագրողների հետ զրույցում ո՛չ հերքեց, ո՛չ հաստատեց սահմանի հարավարևելյան հատվածում տեղակայված դիրքերի ուղղությամբ կրակ բացելու տեղեկությունը, մասնավորապես՝ Սոթք բնակավայրի ուղղությամբ։
Հիշեցնենք, որ Ադրբեջանի ՊՆ-ն արդեն 6-րդ օրն է ինչ ապատեղեկատվությում է տարածում, թե իբր ՀՀ ԶՈւ-ն արևելյան և հարավարևելյան հատվածներում տեղակայված ադրբեջանական դիրքերի ուղղությամբ կրակ է բացել։ Նշենք նաև, որ վարչապետ Նիկոլ Փաշինյանն էլ այս ապատեղեկատվություների ֆոնին գրել է, որ ՀՀ ՊՆ-ին հանձնարարականը հստակ է՝ հրադադարի ռեժիմի ոչ մի խախտում չանել ու հավելել, թե Հայաստանը գնում է խաղաղության և ոչ թե պատերազմի։
Մերի Մանուկյան
--00--ԱՀ