ԵՐԵՎԱՆ, ՄԱՐՏԻ 23, 24News
Ինչպես արդեն տեղեկացրել էինք, ՖԱՖ երկրպագուական շարժումը գտնվում է Վրաստանի մայրաքաղաք Թբիլիսիում, որտեղ մարտի 23-ին, ներկա կգտնվի Վրաստան — Հայաստան ֆուտբոլային հանդիպմանը։
ՖԱՖ-ը հայտարարություն էր տարածել՝ երթ կազմակերպելու և նախապես համաձայնեցված երթուղով շարժվելու մասին։
Sportall.ge մարզական կայքի վրացի մեր գործընկերները, ի պատասխան այս հայտարարության, հաջողություն են մաղթել մեր երկրպագուներին։
«Վրացի երկրպագուներին Երևանում լավ ընդունեցին, հուսով ենք՝ Թբիլիսիում նույնպես նույն հյուրընկալությունը կցուցաբերենք, և որևէ միջադեպ տեղի չի ունենա։ Վրացական ասացվածքն ասում է՝ «Հյուրն Աստծոն է»․ սա լավագույնս արտահայտում է մեր մշակույթի և հյուրի նկատմամբ հարգանքի բազմադարյա ավանդույթը»։
Ի պատասխան մեր վրացի գործընկերների, շնորհակալություն ենք հայտնում ջերմ մաղթանքների և համագործակցության համար։ Հուսով ենք, որ ֆուտբոլային հանդիպումը կանցնի խաղաղ և բարեկամական մթնոլորտում՝ արտացոլելով երկու ժողովուրդների միջև եղած փոխադարձ հարգանքն ու բարեկամությունը։
Աղբյուրը՝ Armsport.am:
--00—ՅՄ