ԵՐԵՎԱՆ, ՄԱՅԻՍԻ 21, 24News
Մայիսի 20-ին՝ ժամը 16։42-ին, Ճգնաժամային կառավարման ազգային կենտրոն ահազանգ է ստացվել, որ Գեղարքունիքի մարզի Զոլաքար գյուղում այրվում է անասնակեր։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է Զոլաքար գյուղի 3-րդ փողոցի 6-րդ նրբանցքի տներից մեկի բակում։
Հրդեհը մեկուսացվել է ժամը 17։02-ին, մարվել՝ 17։35-ին։ Այրվել է մոտ 50 հակ կուտակած անասնակեր։