ԵՐԵՎԱՆ, ՕԳՈՍՏՈՍԻ 25, 24News
Զինված ուժերը պայմանագրային զինծառայողներով համալրելու, ինչպես նաև կանանց նորաստեղծ գումարտակում զինվորական ծառայության անցնելու վերաբերյալ բացատրական և քարոզչական աշխատանքներ իրականացնելու, զինծառայողներին տրվող սոցիալական երաշխիքները, արտոնությունները և ծառայությանն առնչվող բոլոր մանրամասները ներկայացնելու նպատակով՝ ՀՀ Պաշտպանության և ՀՀ տարածքային կառավարման և ենթակառուցվածքների նախարարությունների նախաձեռնությամբ և Գեղարքունիքի մարզպետի աշխատակազմի աջակցությամբ օգոստոսի 25-ին Գեղարքունքի մարզի Վարդենիս և Մարտունի համայնքներում անցկացվել են հանդիպում-քննարկումներ պայմանագրային զինվորական ծառայություն անցնելու ցանկություն ունեցող մինչև 35 տարեկան կանանց, ինչպես նաև արական սեռի պահեստազորայինների հետ հայտնում են Գեղարքունիքի մարզպետարանից։
Հանդիպում-քննարկումներին մասնակցել են նաև Մարտունի և Վարդենիս համայնքների և նրանց կազմում ընդգրկված բնակավայրերի ղեկավարները։ Իրազեկման աշխատանքներն իրականացրել են պաշտպանության նախարարության պաշտոնատար անձինք։
Առաջիկայում նմանատիպ հանդիպումներ կանցկացվեն նաև մարզի մնացած համայնքներում։
--00--ՍՊ