ԵՐԵՎԱՆ, ՆՈՅԵՄԲԵՐԻ 22, 24News
Նոյեմբերի 21-ին դեսպան Ալեքսանդր Արզումանյանը հանդիպել է Լեհաստանի ԱԳ նախարար Զբիգնև Ռաուին։ Հանդիպման ընթացքում քննարկվել են Հայաստանի և Լեհաստանի միջև երկկողմ հարաբերությունների ներկա վիճակին և քաղաքական երկխոսության օրակարգին առնչվող հարցեր:
Անդրադարձ է կատարվել տարածաշրջանային անվտանգությանն առնչվող վերջին զարգացումներին, Ադրբեջանի հետ հարաբերությունների կարգավորման ուղղությամբ ներդրվող ջանքերին, առկա մարտահրավերներին, Լեռնային Ղարաբաղից ավելի քան 100 հազար հայ բնակչության բռնի տեղահանման արդյունքում ձևավորված մարդասիրական իրավիճակին։ Կարևորվել են Հայաստան-ԵՄ գործընկերության խորացման ուղղությամբ իրականացվող քայլերը։
--00—ԼՀ